– Skremmande nær
Fleire omkomne i stor eksplosjon i Oslo: – Dette er skremmande, eg er glad eg er heime i Os, seier stortingsrepresentant Laila Reiertsen.


Rundt klokka 15.20 fredag 22. juli kom meldinga om ein stor eksplosjon ved regjeringskvartalet i Oslo.
• Til no er to personar meldt omkomen
• Over 10 personar er innlagt på sjukehus
• Statsminister Jens Stoltenberg, som har kontor i kvartalet, er meldt trygg. Det er uvisst om han var på kontoret då eksplosjonen gjekk av.
I intervju med TV 2 seier ein terrorekspert at det neppe kan vera ei anna forklaring enn terror bak eksplosjonane. Om dette er terror er den den første store terroraksjonen i Noreg i moderne tid.
• Alle rutene i regjeringskvartalet er knust
• Det er framleis brann i bygningar
• Det er framleis folk inne i bygningane
– Eg har vore i desse bygningane fleire gongar, det ligg ikkje så langt frå Tinget, seier stortingsrepresentant Laila Reiertsen til Midtsiden.no.
Ho er glad for at ho er heime i Os i dag, men seier ho samstundes håper det er færrast mogleg omkomne og skadde etter det som kan ha vore meir enn éin eksplosjon.
– Dette er skremmande, plutseleg kom det så nær på. Det får ein til å tenkja, seier Reiertsen.