Skremt av ryggande bil
• Skulelevar nesten påkjørt i Finnebrekka.• Mann med terningar - men utan førarkort.• Mann stoppa i bil som var underslått .
Torsdag hadde politiet i Os trafikkontroll på Moberg.
– Det blei blant anna stoppa ein bil som var underslått. Førar hadde lånt bilen, men ikkje levert den tilbake til avtalt tid, fortel politioverbetjent Terje Sperrevik.
Det blei oppretta kontakt mellom førar og eigar og dei blei einige om at bilen skulle leverast tilbake i dag, fredag.
Hadde terningar - mangla førarkort
Blant andre som blei kontrollert i trafikken torsdag var to mopedistar, som fekk pålegg om å ordna på skilt og lys, og ein mann i starten av 20-åra, som fekk pålegg om å fjerna kvitt lys bak og dinglande terningar i frontruta.
– I tillegg mangla han førarkort, så det blei han meldt for.
Terningane kan med andre ord berre bli dinglande i bilen ei stund, for det går nok nokre månadar før mannen bør setja seg bak rattet igjen.
Elevar nesten råka av ryggande bil
Nokre unge skuleelevar som gjekk tur i Finnebrekka torsdag fekk ei skremmande oppleving.
– Det hadde kome ein bil ryggande ut frå ein sideveg i høg fart, rett mot elevane.
– Det var snakk om at ein av elevane så vidt blei råka, men ingen blei skadd.
Skulen vil melda episoden. Politiet har førebels ikkje snakka med føraren.