Sport | 04. aug. 2018

Skuffa ikkje mot botnlaget

... dessutan fekk Lysekloster hjelp av Brann 2.

Skuffa ikkje mot botnlaget
Martin Pedersen (nr 9) og Vladan Radojkic skåra to mål kvar i dagens storsiger. Her frå ein tidlegare kamp. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 04. aug. 2018 16:59

Lysekloster klatra frå 3. til 2. plass på tabellen etter siger over botnlaget Varegg i dag.

Dei gjekk forbi Viking 2, som tapte 1-3 for Brann 2 i ettermiddag.

– Akkurat dette har vi ikkje så mykje fokus på enno, men det er heilt greit å gå forbi Viking 2, som vi har heime laurdag om ei veke, seier Lysekloster-trenar Ruben Hetlevik.

Varegg - Lysekloster 0-6 (0-1)
Målskårarar, Lysekloster: 1-0 Martin Pedersen, 2-0 Vladan Radojkic, 3-0 Thorvald Trætteberg, 4-0 Martin Pedersen, 5-0 Kristoffer Gunnarshaug og 6-0 Vladan Radojkic.
Tropp og fleire kampfakta på fotball.no

Førre bortekamp var første gong denne sesongen med meir enn éi skåring på bortebane, i dag blei det heile 6-0!

– Dette gler vi oss over! Denne bortebane-statistikken har vi ikkje likt, med mange sjansar, men få skåringar.

Alle dei 6 skåringane kom i løpet av knappe 50 minutt, 1-0 kom i 44. minutt, 6-0 på overtid.

– Første omgang var ganske jamn, med 2-2 i sjansar og eit Varegg som jobba knallhardt. Sjølv må vi løfta oss litt både i duellspelet og i presisjon i dei tekniske involveringane våre, om vi skal få ein betre start på kampane enn det vi fekk i dag.

To debutantar - ein av dei skåra

Debutant Kristoffer Gunnarshaug spelte frå start og skåra 5-0-målet i debuten.

Også Eskild Haugland Båsen fekk debuten sin i dag, han kom inn for tomålsskårar Martin Pedersen i 68. minutt.

– Begge er spennande spelarar og begge fekk ein god debut, synest Ruben.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.