Skulestart: To veker med fokus på to ting
Måndag startar politiet ein nasjonal kampanje.
Måndag startar skulane igjen etter sommarferien, og frå morgonen er politiet over heile landet meir synleg enn vanleg rundt skulane.
– Bjørnafjorden lensmannskontor er naturlegvis del av kampanjen. Vi kan ikkje vera på alle skulane same morgon, men kampanjen varer i to veker, og vi skal vera ute med meir enn éin patrulje, seier politioverbetjent Anne Lyssand.
– Hovudfokus er fart og bruk av handhalden mobiltelefon, som er dei to mest utløysande faktorane når det kjem til ulykker.
– Men vi vil òg undersøkja førarkort, vognkort og sikring av barn i bil.
Manglande sikring av barn under 15 år gir to prikkar på førarkortet. Er du i prøvetida får du fire prikkar.
– Plassering, altså kvar du vel å setja ungane av i forhold til skilting og flyt i trafikken, er òg noko vi vil sjå på.
– Vi har generelt eit godt inntrykk av trafikkåtferda til foreldra som køyrer ungane til skulen. Samtidig håper vi at andre trafikantar er tolmodige rundt skulane, der trafikken særleg no i starten på skuleåret gjerne vil gå litt seinare.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.