Det blei ikkje noko stort Bjørnafjordenmåltid denne hausten, men fleire lokale restaurantar og cateringfirma byr på god mat. (Foto: Kjetil Vasby Bruarøy)
Det blei ikkje noko stort Bjørnafjordenmåltid denne hausten, men fleire lokale restaurantar og cateringfirma byr på god mat. (Foto: Kjetil Vasby Bruarøy)

Slår eit slag for dei lokale juleborda

Ordførar og kommune med oppmoding og tips før juletida.

Kjetil Osablod Grønvigh
20. oktober 2020 - 9:42

I ei pressemelding frå Bjørnafjorden kommune og ordførar Trine Lindborg (Ap) seier dei at dei ønskjer at folk både skal ha det hyggeleg saman, handla lokalt og følgja smittevernreglane i førjulstida.
 
Ordførar Trine Lindborg (Ap) oppmodar bjørnafjordingane om å kosa seg inn mot jula, og å handla lokalt, òg når det kjem til sosiale arrangement.
 
– Ta arrangeentet på heimebane! Vi er heldige som har gode restaurantar, kafear og andre tilbydarar av god mat og gode opplevingar i kommunen vår.

– Anbefalinga om å handla lokalt gjeld sjølvsagt alltid, men i desse koronatider er det gjerne aktuelt for endå fleire av oss å ha små og meir kortreiste arrangement.

– Ver forsiktige, men ha det kjekt saman!

Lindborg og kommunen kjem med både råd og oppmodingar på korleis ha ei sosial førjulstid.

– Det er viktig å vera forsiktig, men det er òg veldig viktig å ha det kjekt saman!

– Så lenge vi følgjer smittevernråda, er det ingen motsetnad mellom godt smittevern og hyggelege opplevingar saman med andre. Det viktigaste vi gjer for å hindre smitte, er å halde avstand til andre enn dei du omgår tett til dagleg.

Julebordtips på kommunen sine nettsider

Lindborg seier at plasseringa av juleborda er viktig, same om det er på dagtid eller kveldstid. 

– Det er det viktig å legga arrangementet – anten det er på dagtid eller kveldstid – til ein stad der det er mogleg å halde avstand og oppretthalde god hygiene.

– Kanskje kan det vere ein idé å «dela opp» julelunsjen eller julebordet, og ta det avdelingsvis? Bestill eit bord til lunsj eller middag ved ein av dei mange restaurantane og kafeane våre. Mange av serveringsstadane i kommunen vår tilbyr òg levering av fiks ferdige festmåltid.

Når det kjem til underhaldning oppmodar Lindborg òg til å tenkja lokalt.

– I staden for å invitere til eit folksamt dansegolv, går det an å ta i bruk lokale kulturkrefter til underhaldninga.

– Eg anbefaler alle bjørnafjordingar å bruka dei lokale tilboda i førjulstida vi snart går inn i, oppmodar ordførar Trine.

Kommunen har òg lagt ut ei lenkje med råd og tips til julebordkomiteen på heimesida til kommunen. 

 

Les meir om

Lokal Politikk Næringsliv