Slåsting i sentum

Politiet måtte to gongar i løpet av natt til laurdag skilja kamphanar i sentrum.

– Det eine tilfellet var ved Esso-stasjonen. Der blei ei kvinne køyrd til legevakta som følgje av slåstinga.

– Det andre var i taxikøen, kor patruljen på Os også måtte skilja to som slåst, fortel operasjonsleiar Hans Eirik Thue ved Vest politidistrikt.

Ingen blei gripen etter slåstinga.

Køyrde for fort

Ein mann på veg frå Stavanger til Kvamsskogen, truleg på påskeferie, kom ikkje lenger enn til Hegglandsdalen før han blei stoppa av politiet.

– Der blei han målt til 78 km/t i 50-sona og fekk førarkortet beslaglagt, seier Thue.