Slåstkamp på privat fest
Ein av partane hadde reist frå festen, men politiet har oppretta sak.
Natt til søndag fekk politiet melding om slåstkamp på ein fest på Søfteland.
– Ein av dei som skal ha vore involvert hadde reist frå festen før patruljen kom fram, fortel vakthavande politibetjent ved Os lensmannskontor.
Den andre parten skal ikkje ha vore alvorleg skadd.
– Det er noko uklart kva som har skjedd, men det er oppretta sak og vi vil undersøka hendinga nærmare.
Det var ifølgje politiet veldig varierande alder på festdeltakarane, og festen blei avslutta mens politiet var på staden.
Fann hasj i Os sentrum
Tidlegare på kvelden, i 23-tida, møtte patruljen ein mann det lukta hasj på.
Vedkomande, ein mann i 20-åra, blei ransaka, noko som førte til funn av mindre mengde narkotika.
Mannen blei meldt for forholdet.