Slo Laksevåg 6-1
Lysekloster toppar tabellen med begge lag. No ventar toppkamp på heimebane for A-laget og snart er det derby mot Nore Neset for andrelaget, som har heimekamp i dag.
Etter tap i debuten i 4. divisjon har det berre gått éin veg for Lysekloster. Dei starta med 3-2-tap for Lyngbø på bortebane, men har no vunne 6 kampar på rad.
I 5. runde overtok dei toppen av tabellen i 4. divisjon avdeling 2, i går spelte dei 7. runde borte mot Laksevåg.
Laksevåg - Lysekloster 1-6 (1-4)
Målskårarar, Lysekloster: Baste Jonassen 2, Christoffer Robin Larsen 2, Steffen Finsådal og sjølvmål.
Lysekloster: Ole Kristian Olsen, Baste Jonassen, Steffen Finsådal, Thomas Greipsland, Frode Bergum Hansen, Frode Buvik, Johannes Jordal, Christoffer Robin Larsen, Kim Krogsethagen, Torbjørn Birkelund og Daniel Gall.
Innbytarar med speletid: Espen Kopperud, Andreas Fosse, Magnus Sandvåg og Stefan Bernsen.
Telavåg på 2. plass slo i denne runden Dale på 3. plass 5-1. Telavåg har spelt uavgjort mot Gneist (1-1), som Lysekloster slo 7-1 og tapt for Frøya (4-2) som Lysekloster slo 4-2.
Lysekloster møter Dale på 3. plass i neste kamp, som går på heimebane førstkomande fredag klokka 19.
Derby i 6. divisjon
Os 2 speler heime mot Rosendal i 5. divisjon i dag (kl 14). Lyskloster 2 speler heime mot Minde søndag (kl 18). Lysekloster 2 er i avdeling med Nore Neset, som ligg på 5. plass etter 3-3 mot Viggo i går.
Viggo ligg på 2. plass framfor Mann på 3. plass. Nore Neset slo Mann 9-2 tidlegare i år.
Nore Neset sin neste kamp går heime mot Lysekloster 2 laurdag 2. juni (kl 13).
I naboavdlinga speler blant anna Søfteland, som har 3 sigrar og 1 tap på dei første 4 rundane. Med full pott i neste kamp, som går på heimebane mot serieleiar Fotlandsvåg fredag 1. juni (kl 19) klatrar dei til 3. plass.
Søre Neset mot Fusa
Søre Neset, som speler i avdeling med Os 2 i 5. divisjon, starta sesongen med to tap, men så blei det siger og uavgjort i dei to neste.
Måndag kveld (kl 19) tar Søre Neset imot Fusa, som har 2 sigrar, 2 uavgjorte og 1 tap så langt i år.