Slo med veska og naska
Drama på Amfi Os måndag dei ei dame slo ei anna med handveska. To jenter tatt for nasking i klesbutikk.
Patrulja frå Os lensmannskontor måtte ta turen to gonger oppom Amfi Os måndag.
- Første gong var omlag ti over tre då vi fekk melding om at ei dame hadde slege ei anna dame i anletet med ei handveske.
- Vi traff ikkje på ho som slo, men veit identiteten hennar, fortel politibetjent Rune Fimreite.
Det var fleire vitne til episoda. Kvinna som blei slått vil anmelda saken i løpet av tysdagen.
To jenter tatt
I 1730-tida blei patrulja på nytt beden om å ta turen til senteret.
- Det var to 15 år gamle jenter som hadde naska varar frå ein av klesbutikkane på senteret.
- Då dei blei stoppa av dei tilsette blei det litt fram og tilbake i høve til legitimasjon og vi blei bedt om å bistå.
Etterkvart tok jentene til fornuft og legitimerte seg for patrulja.
- Dei føresette blei kontakta og kom for å hente jentene, seier Fimreite.