Småtrøblete rallypremiere for CircleX
– Det blei ikkje dei gode resultata, men vi fekk sjå at teamet fungerer, seier Jarle Nytræ etter sesongopninga.
Bildeserie:
I helga stilte CircleX til sesongpremiere på RallyX Nordic i Skien.
CircleX, som har styrka teamet med svenske Ramona Karlsson, fekk ikkje optimal utteljing i verstingklassen «supercar», med inntil 600 hk.
– Vi hadde ein del tekniske utfordringar. Det som let seg løysa på staden løyste seg greit, vi fekk sjå at teamet fungerer og det var godt å koma i gang, seier Jarle Nytræ.
Jarle var den frå CircleX som gjorde det best, med 12. plass av 17 påmeldte.
Ramona hadde nokre fine rundetider, men hadde nokre problem med elektrisiteten i bilen.
Frode Holte hadde motorproblem og fekk ikkje køyrd.
Det var eit generasjonsskifte denne helga, der alle tre på pallen var debutantar i supercar-klassen:
1: Oliver Eriksson, Olsbergs MSE, Ford Fiesta, SWE
2: Thomas Bryntesson, JC Raceteknik, Ford Fiesta, NOR
3: Oliver Solberg, Oliver Solberg RX, Citroen DS3, LAV
– Det var godt å vera tilbake i setet igjen, og eg ser frem til Arvika 3. juni, seier Ramona på eigen Facebookside.
Midtsiden samleside: Motorsport