Smittesporing: Var du i Osbadet måndag 7. september?

I samband med smittesporing blir personar som var i Osbadet måndag kveld bedde om å følgja ekstra godt med om dei får symptom på koronasmitte.

Dette skal gjelda dei som var i Osbadet måndag 7. september mellom klokka 18 og 21.

(Kommunen fekk først informasjon om at tysdag 8. september var aktuell. Dette er retta til måndag)

Smittesporinga skjer som følgje av smittetilfellet vi fortalde om tidlegare i kveld.

Ein elev i 7. trinn ved Os barneskule er smitta, skuleklassen og lærarar er i karantene.