Fotball | 17. juni 2010

Søfteland på topp

Søfteland har vunne begge lokaloppgjera og deler no tabelltoppen for 7. divisjonsavdelinga med Rong.

Søfteland på topp
Kjetil Vasby Bruarøy
Kjetil Vasby Bruarøytorsdag 17. juni 2010 08:43

I 7. divisjon avdeling 3 er det fleire lag frå Os kommune som ruvar. Nore Neset og Søfteland kjempa i fjor lenge i toppen mot Lysekloster, som rykte opp. I år har dei to lokale laga eit nyoppretta Lysekloster 2-lag å spela mot.

Nore Neset starta sesongen bra, med 14-1-siger over Ragnarok. Men så tapte dei for både Søfteland og Lysekloster 2.

Lysekloster 2 tapte dei to første kampane sine, men byrja så å vinna. Først to sigrar, så kom sigeren over Nore Neset.

Søfteland vann alle dei fire første kampane sine, men tapte 3-4 for Rong.

I helga var det lokaloppgjer mot Lysekloster 2:

Søfteland – Lysekloster 2: 2-1 (0-0)

Lysekloster hadde føringa i starten av kampen, som gjekk på Stilvoll, men dei fekk ikkje utteljing på sjansane sine. Søfteland kom etter kvart meier med i spelet, men første omgang blei utan skåring.

Lysekloster 2-spelar Sven-Erik Gabrielsen skåra det første målet i kampen, ei skåring som kom etter mykje knoting i feltet framfor heimelaget sitt mål. Kort tid etterpå utlikna Eirik Skåtøy for Søfteland,s om sette ballen på Sør-Afrikansk Tshabalala-vis knallhardt i motsett kryss.

Resten av kampen bar preg av mange lange ballar frå begge lag før den uslipte juvelen Simon Aasen gjorde eit innhopp på høgre kant etter å ha blitt bytta ut i første omgang. Søfteland byrja å spele meir ball på midtbanen, og i 82. minutt heada unge Aasen inn den avgjerande 2–1-skåringa.

Lysekloster pressa hardt mot slutten, men dei rutinerte grønkledde låg seg bakpå og kontrollerte heile resten av kampen.

Søfteland ligg a-poeng med Rong på 2. plass på tabellen, Njardar/Tysnes på 3. plass, Lysekloster på 4. plass og Nore Neset på 5. plass.

SJÅ TABELL

I helga speler Nore Neset og Søfteland sine siste kampar før ferien, begge på bortebane.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.