Søker etter nokon som kan ta imot steinmassar

Sprengingsarbeidet på ny fylkesveg mellom Slettebrekka og Hetlevik på Askøy vil resultera i at fylkeskommunen sit igjen med inntil 300.000 kubikk med steinmassar.

Massane som blir henta ut på prosjektet er ein bergart som heiter middelskornet gabbro, og er eigna som fyllmasse.

Steinmassane utgjer i volum rundt 30.000 lastebillass.

– No vil prosjektgruppa gå i dialog med ein eller fleire aktørar for å finna mest mogleg samfunnsnyttig bruk av steinmassane, skriv fylkeskommunen.

Interessentar som ønsker å kvalifisere seg for overtaking av overskotsmassar må melda interesse saman med skriftleg melding. Fristen for å melda interesse er 30. september.

Bygginga av den nye fylkesvegen startar hausten/vinteren 2023. Sprengingsarbeidet skjer over ein periode på to år.