Søkjer strikkelystne
Eit landsomfattande strikkeprosjektet til prematur-ungar har nådd Os. - Det som er strikka med kjærleik varmar ekstra godt, seier Mette Pettersen.


Like du å strikka eller hekla, og har lyst til å gjera ein innsats for andre? Gruppa Strikkeverden på facebook har sett i gang eit landsomfattande prosjekt med strikk til nyfødt-intensivavdelingene (NFI) ved norske sjukehus.
- Vi jobbar med å spreia bodskapen og med å gjera det enklare for folk å levera dette til sjukehusa, seier Mette Pettersen.
Pettersen er kontaktperson i Hordaland for prosjektet, og ho har blant anna fått avtale med strikkebutikken på Os.
- Ingerid på Oshjørnet tar imot det som er strikka og hekla. Om du ikkje kan strikka sjølv kan du sponsa tiltaket ved å sponsa nokre garnnøste, så skal eg sørgja for at nokon strikker noko fint.
- Ikkje førebudd
Behovet for teppe, luer, sokkar og vottar skal vera stort.
- Dei som føder rundt termin har ofte planlagt godt og handla inn, men med dei bittesmå som kjem så tidleg så har foreldra ofte ingenting, i alle fall ikkje i dei små storleikane dei treng til ein baby som gjerne berre veg mellom 1500 og 2000 gram.
Mette sitt første bidrag til NFI-prosjektet var ei lita lue på berre 22 cm i omkrins.
- Det er utruleg kor små babyar kan vera, dei treng verkeleg hjelpa vår, seier ho.
Første levering i juni
Vil du ta del i prosjektet? Første levering til Haukeland Universitetssjukehus er i juni. Har du spørsmål kan du kontakta Mette på epost.
- Hugs å bruka garn av type Baby Ull, ikkje Alpakka, det loar for mykje. Det du strikker må skyllast opp og leggast i plast før levering, seier Mette Pettersen.