Søkte etter jente (2,5 år)

Klokka 2058 fekk politiet sin operasjonssentral melding om ei jente på 2,5 år som var sakna på Søfteland.

Midtsiden fekk fleire tips om at det blei søkt i området rundt Vinddalsvatnet med helikopter.

– Vi iverksette søk med mellom anna luftambulansen fordi dette var i eit område tett på vatn, fortel operasjonsleiar Magnussen ved Vest Politidistrikt til Midtsiden.

– I ein slik situasjon set vi inn godt med ressursar. Jenta blei etterkvart funnen i huset ho bur i, så aksjonen er no avslutta, seier operasjonsleiaren.