Bildeserie:
Badestranda i Søvikvågen er igjen klar for ein sommar med yrande liv, barnelatter og plaskande småunger.
Tysdag stilte foreldre og born frå Lysekloster barnehage på dugnad for å fordele eit lass med skjellsand utover med trillebårer og masse energi.
Det er Bergen og Omland Friluftsråd som eigentleg har ansvaret for badevika, men eigeninteressa i å ha ei ryddig, pen og velfungerande strand har gjort at lysefjordingane i fleire år har stilt seg til disposisjon for å kappa ned småbusker og spre sanda utover.
– Gjengen som har drive her nede i kveld har gjort ein kjempeinnsats.
– Skryt skal også friluftsrådet ha som aldri seier nei når vi tek kontakt med spørsmål om lov til å gjera ting, eller bidrag i form av sand eller lignande, fortel ein av naboane.
No står badevika klar for ein ny solfylt sommar. Kanskje allereie i morgon, laurdag, vågar dei første seg ut i vatnet. Yr.no melder nemleg om ein lufttemperatur opp mot 20 grader i morgon ettermiddag.