Sommarleg Grieg
Søndag byr sopran Hilde Hasselberg og pianist Kato Nogva Flem på sommarlege tonar frå Edvard Grieg.

Sopran Hilde Hasselberg og pianist Kato Nogva Flem har vald nokre av Greig sine lysaste og lettaste låtar når dei inviterer til kammerkonsert i Oseana sundag.
– Det blir ein konsert i våren og sommaren sine farger, fortel musikalsk leiar i MusicaNord, Michael Süssmann.
"Jeg har i disse deilige forårsdager våknet av en lang, lang dvale" sa Edvard Grieg og lét seg inspirera av dikt av Bjørnstjerne Bjørnson og John Paulsen.
– Det blir eit knippe minneverdige tonsetjingar.
Vender blikket utover
Hasselberg og Flem, som begge har sin bakgrunn frå Griegakademiet i Bergen, vender i andre del av konsert blikket utover med klaver-musikk og amerikansk-inspirerte songer av Nikolai Medtner, Hans Eisler og Libby Larsen.
– Velkomen til ei stemningsfull stund i Griegsamlinga, helsar Michael Süssmann.
Les òg: Unge stjerner i Oseana