Sona ferdig før ho blei dømd

Nordhordland Tingrett dømde tidlegare i denne veka ei kvinne busett i Os til 98 dagar i fengsel, 3000 kroner i bot og tap av førarrett for to år. Fengslingstida er ho allerede ferdig med sidan ho har sete 98 dagar i varetekt.

I domsslutninga skriv dommaren at retten i utgangspunktet er einig i påtalemynde sitt straffeforslag på 120 dagar, men at ho imidlertid har sete lenge i varetekt. Dette saman med at nokre av tilfella ho blei dømd for låg i nedre sjikt for når ein ubetinga reaksjon skal nyttast gjorde at dommaren etter ei samla vurdering kom til at straffen passande kunne settast til 98 dagar. Lik varetektsfradraget som òg var satt til 98 dagar.

Tilståing gav lågare straff

Då kvinna møtte i retten gav ho ei uforbehalden tilståing og samtykka i tilståingsdom. Om ho ikkje hadde gjort det ville straffen blitt sett til fengsel i rundt 5 månader.

Kvinna var tiltalt for oppbevaring av tilsaman 13,97 gram hasjis, 1,27 gram Canabis Sativa, 0,51 gram stoffblanding innehaldende amfetamin, 25,67 gram metamfetaminhaldig stoffblanding, 195 ml GHB/GBL, fleire narkotiske tablettar og 0,22 gram blanding av psilocin, metamfetamin og THC. Mengden stoff er beslaglagt frå kvinna i fire forskjellege tilhøve, to heime i husværet på Os og to i Bergen.

Køyrde seg fast

Ho var og tiltalt for fleire tilfelle av køyring i ruspåverka tilstand. Mellomanna då ho køyrde ein lastebil med hengar inn i ei trang gate/gatetun i Bergen kor ho køyrde borti ein parkert bil og enda med å køyre vogntoget fast i ei trapp.

På tiltalelista sto òg tjuveri frå ein tomannsbustad under oppføring i Kvernhusrenen, tjuveri av ein Iphone 4 frå eit kontor i Bergen og tjuveri av brev og post frå ei rekkje personar i bergensområdet.

Fleire av dei siste tilfella frafalt grunna bevisets stilling.

I retten blei ho domfelt for heleri, narkotikaovertreding, føring av motorvogn i påverka tilstand, uaktsom køyring, føring av bil uten gyldig kjennemerke og føring av bil utan gyldig førarkort.

Kvinna vedtok dommen.