Lokal | 22. feb. 2013

Song for Sørås

VIDEO: Rektor gjennom nesten 12 år, Per Olav Sørås, hadde fredag sin siste dag på Kuventræ skule. Det ville ikkje elevane la gå upåakta hen.

Andris Hamrefredag 22. feb. 2013 13:01

I desember i fjor blei det kjent at rektor ved Kuventræ skule, Per Olav Sørås hadde takka ja til stillinga som kommunalsjef i Austevoll kommune. Fredag hadde han sin siste dag på skulen han til sommaren ville ha vore rektor for i 12 år.

- Denne dagen har eg grudd meg til, fortalte rektoren etter at elevane hadde heidra han med sangen "Du er.." (sjå video nedanfor).

Kjekk, bestemt og flink til å spela gitar

Sondre og Lene frå elevrådet fekk æra av å seia nokre helsningsord på vegen til Per Olav før han no byrja pendlinga ut i havet.

- Alle klassane har skrive ned kva dei forbinder med deg og korleis dei vil hugsa deg.

"Du er kjekk. Du er bestemt og rettferdig. Du snakkar høgt når det er brannalarm. Du er flink til å spela gitar", var nokre av skildringane elevane kom med.

Alle helsingane fekk rektoren overrekt i gåve saman med blomar frå elevane.

- No har eg noko å kosa meg med i vinterferien, takka Per Olav.

Ein kjekk arbeidsplass

Det er med vemod Sørås no forlet Kuventræ skule.

- Det har vore ei kjekk tid, men gode kollegaer og kjekke elevar.

- Noko av det som kjenneteikna skulen allereide då eg tok over var det samhaldet som var på skulen.

- Kjem du utanifrå ser du ikkje automatisk kven som er lærar, fagarbeidar eller assistent, og slik skal og bør det vera, meiner rektoren.

Lova å koma innom

At Per Olav er, og har vore ein populær rektor blant elevane fekk vi eit synleg prov på fredag. Då han kom ut i skulegarden for å motta helsinga frå elevane flokka dei seg rundt han og ville gje han klem.

- Det er slik i livet at av og til har ein lyst til å gjera noko nytt. Det har eg no.

- Men sjølv om eg no byrjar å jobba i Austevoll, så flyttar eg ikkje frå Os, så eg kjem nok til å koma innom på besøk, fortalte Per Olav Sørås til elevane.

Olav Røttingen overtar rektor-jobben etter Sørås.

Les òg: Røttingen blir rektor

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.