Sport | 16. apr. 2012

Søre Neset tapte

Søre Neset starta måndag kveld serien med heimetap for nyopprykka Olsvik.

Søre Neset tapte
Det siste kvarteret auka gjestane Olsvik frå 2-0 til 4-0. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 16. apr. 2012 20:08

Medan Os 2, som spelte 4. divisjon i fjor, tok ein grei 3-2-siger i seriestarten borte mot Halsnøy søndag fekk Søre Neset meir å slita med sin sin førsterunde i same 5. divisjonsavdeling.

Olsvik, som i haust rykte opp frå 6. divisjon, tok leiinga i første omgang og fekk ikkje mindre innsatsvilje av å gå opp til 2-0.

Det siste kvarteret auka dei på med to til medan ein corner var det nærmaste Søre Neset kom redusering før slutt.

Søre Neset - Olsvik 0-4 (0-1)

– Vi har vore få spelarar på trening i vinter og stiller ikkje så godt førebudd på sesongen som vi kunne gjort, seier Vidar Bahus.

Bahus overtok i vinter trenarjobben etter Morten Øvrebø.

– Vi vann ikkje nok duellar og fekk ikkje til spelet vårt, meiner Bahus.

Søre Neset har dei to-tre førre sesongane lagt heilt i toppen av avdelinga store delar av sesongen, men mista i vinter spelarar som Anders Kloven, Anders Kinden og Ørjan Håland til Os.

I tillegg har Tore Kinden og Torbjørn Hjelle vore skadd og vekke frå trening i vinter. I ein treningskamp nyleg blei også Øystein Lien skadd, så han måtte nøya seg med å vera tilskodar i dag.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.