Søre Neset vann første

Søre Neset snudde kampen då dei starta serien med bortekamp mot Eidsvåg fredag.

Kjetil Vasby Bruarøysøndag 11. apr. 2010 14:33

Fredag 9. april hadde Søre Neset seriestart med bortekamp mot Eidsvåg. Kampen starta med straffe og skåring til heimelaget i 15. minutt, men så overtok gjestane.

- Vi spelte litt rotete dei første 20 minutta, men då vi fekk alt til å klaffa var vi gode, seier trenar Morten Øvrebø.

Eidsvåg - Søre Neset: 1-4 (1-2)
Søre Neset sitt lag (4-3-3): Anders Kloven, Emilis Kazinskis, Kenneth Hufthammer, Audun Røren, Frank Haugland, Ørjan Bakke, Andreas Pettersen, Ørjan Håland, Anders Kinden, Tore Kinden og Kjetil Henriksen.

Desse fekk også spela: Torleif Nesse (keeper, overtok for ein småskadd Anders i pausen), Stian Bårdtveit, Øystein Lien, Erlend Eidhammer, Lars Martin Høyvik og Geir Ove Pettersen.

Målskårarar, Søre Neset: Ørjan Håland (straffe 20.), Anders Kinden (25.), sjølvmål til Eidsvåg og Lars Martin Høyvik (75.)

- Eidsvåg har ein liten bane, så det blei ein intens kamp med mykje duellar. Men vi fekk ikkje panikk på 1-0, vi hadde kontroll på kampen og skapte fleire store sjansar, også etter 1-4-skåringa, seier Øvrebø.

God vinter - god stall
Sjølv om snømengdene gjorde treningsforholda vanskelege i vinter meiner trenaren at laget er godt førebudd på sesongen.

- Fleire av spelarane seier sjølv at dei er i langt betre form enn i fjor på denne tida. Vi har også ein god stall, med nye spelarar som Anders Kloven og Ørjan Håland.

Dei to var med på å få Os opp i 2. divisjon i 2006.

- Til serieopninga måtte vi klara oss utan ein del spelarar, blant anna Espen Halhjem og Robin Hjertnes som var skadd, og Niklas Linde som er på reise. Det var godt å koma i gong og å få tre poeng i første kamp, synes Øvrebø.

Søre Neset spelar neste kamp på heimbane, mot Austevoll sundag 18. april klokka 14.00.