Kultur | 19. mars 2015

Spelemenn på rekkje og rad

Osfest lanserer seks nye artistar. To av dei med ferske spellemannprisar i bagasjen.

Spelemenn på rekkje og rad
Christine Sandtorv leverer barneunderhaldninga på Oseana laurdag 1. august (pressefoto)
Andris Hamretorsdag 19. mars 2015 18:00

Bildeserie:

Bendik Brænne vann spelemannsprisen i 2013 og var nominert i 2014 (pressefoto)
Bendik Brænne vann spelemannsprisen i 2013 og var nominert i 2014 (pressefoto)
Terje Frigaard er årets cruiseartist (pressefoto)
Terje Frigaard er årets cruiseartist (pressefoto)
Twang Gang er VIP-artistar laurdag (pressefoto)
Twang Gang er VIP-artistar laurdag (pressefoto)
Det same er "up & coming" MK's Marvellous Medicine (pressefoto)
Det same er "up & coming" MK's Marvellous Medicine (pressefoto)
1 av 4
Bendik Brænne vann spelemannsprisen i 2013 og var nominert i 2014 (pressefoto)
Terje Frigaard er årets cruiseartist (pressefoto)
Twang Gang er VIP-artistar laurdag (pressefoto)
Det same er "up & coming" MK's Marvellous Medicine (pressefoto)

Artistprogrammet under Osfest 2015 byrjar å ta form. Frå før er Kurt Nilsen, Gabrielle, Elg, deLillos, Elvira Nikolaisen og Monica Helldal klare.

Under Osfest-konserten med Håvard Skåtun på Amfi Os torsdag kveld lanserte festival-generalane Ole Reinert Berg-Olsen og Tor Egil Hylland fleire namn får øvste hylle i norsk musikkliv.

Frå Ephemra til Stjerneteller

Til barneshowet på Oseana har Osfest fått med seg Christine Sandtorv, vinnar av Spellemannprisen for beste barnemusikk i 2012 og 2014.

– Christine tek med seg Stjernetellerbandet og eit lokalt barnekor på scena i ein festkonsert for heile familien, fortel Ole Reinert Berg-Olsen.

Sandtorv er for mange kanskje best kjend som hovudlåtskrivar i jentebandet «Ephemera» og dama bak hiten «Girls keep secrets in the strangest ways».

I 2006 gjekk Sandtorv solo med albumet «First last dance» før karriera endra retning over i barnemusikken og prosjektet «Stjerneteller» som starta i 2009.

I Stjerneteller-serien har ho no gjeve ut tre album, kor ho har fått spelemannsprisen for to dei to siste i 2012 og 2014.

Frå blues til country

Bendik Brænne har som Christine Sandtorv også ein Spellemann i bagasjen når han kjem til Osfest. I 2013 vann han prisen i klassen for country med albumet «How to fake it in America». Brænne var òg nominert i 2014 med albumet «Do you know who I think I am».

Brænne er opprinneleg saksofonist og var med i Amund Maarud sitt faste band. Han er òg ein mykje brukt studiomusikar og har medverka på på innspelingar mellomanna med Noora Noor, Dumdum Boys og Jonas Alaska.

Debuten som soloartist kom i 2012 på Rockefeller. Han har sidan då spelt på ei rekkje festivalar, mellomanna By:larm og Øyafestivalen og høsta mykje heider og ære.

– Bendik lagar musikk av særs høg kvalitet.

– For deg som likar The Band, Van Morrison eller rett og slett berre god låtskrivarkunst med eit supert band er Bendik Brænne garantert ein konsertoppleving du vil ha med deg.

Frigaard på cruise

Terje Frigaard er ein av dei leiande rock- og bluesartistane i Noreg. På Osfest entrar han M/S Midthordland på 3 gangar cruise.

– Terje Frigaard er eit fyrverkeri som leverar gnistrande og stilfull bluesrock med eit strålande band i ryggen.

– Festivalcruise på Bjørnafjorden er ein tradisjon i Os og må opplevast, seier Berg-Olsen.

Materialet Frigaard presenterer er ei blanding av låter han sjølv har signert og hans versjonar av hovudinspirasjonskjelder som The Fabulous Thunderbirds, ZZ Top, Led Zeppelin og Whitesnake.

Frigaard kjem òg i VIP-teltet, kor han får følgje av Twang Gang, MK's Marvellous Medicine og nettopp Håvard Skåthun som var med på artistlanseringa og konserten på Amfi.

– Med det oppsettet kan vi lova rockabilly og goovy bluesrock før det brakar laus på hovudscenen «Oselvaren», avsluttar Berg-Olsen.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.