Sport | 29. okt. 2012
Spelte 3 mot 6
... men Os jenter 14 hadde ikkje problem med å vinna første runde 1. divisjon.
Kjetil Vasby Bruarøymåndag 29. okt. 2012 10:09
Bildeserie:
1 av 7
I september spelte handballjentene kvalifisering og Os gjorde det skarpt nok i dei fem kampane til å hamna i 1. divisjon.
Laurdag starta det dei kallar A-sluttspelet, serien som går ut sesongen, og Os J14 tok imot Sotra.
– Det blei ein god kamp av jentene, men det blei litt mange 2-minuttarar mot slutten, seier trenar Daniel Røen.
Os leia 14-6, men Sotra tok innpå til sluttresultat 14-11.
I ein periode hadde dei tre 2-minuttarar samtidig, og spelte med 3 mot 6 utespelarar, men i denne perioden klarte ikkje Sotra å skåra.