Spent på sine eigne

Korleis vil statsbudsjettet bli påvirka av den blå regjeringa. Mange er spente på kva det vil bety i høve skatt og avgifter for både privatpersonar og bedrifter.

– Ja, det blir spennande å sjå det første budsjettet som er laga fra botn av vår regjering.

– Eg forventar og håper på ei betydeleg styrking av skule, omsorg og justissektoren.

– Har du fått nokre inside-tips om kva vi kan venta utover lekkasjen om fylkesvegar som kom i helga?

– Nei, dei held fordømt tett der inne uansett korleis eg har freista fiska, ler ordførar Terje Søviknes (Frp).

Vekstkommunetilskotet

I samband med kommuneproposisjonen som kom i juni varsla regjeringa at vekstkommunar skulle få eit auka tilskot.

– Eg veit det har vore jobba med ulike modellar siden juni, men kva som kjem er eg veldig spent på.

– Vekstkommunetilskotet er utruleg viktig for oss fordi det skal dekka renter og avdrag på dei investeringane vi har gjort og skal gjera i skule- og helsesektoren.

– Eg forventar eit kraftig bidrag frå staten til vår kommuneøkonomi, sier Søviknes.

Har bidrege

Bakgrunnsmaterialet var Søviknes med å gje då han i januar blei innkalla til møte hjå kommunalminister Jan Tore Sanner (H) saman med andre vekstkommunar.

– Der delte vi synspunkta våre om kva som burde gjerast.

– Eg leverte frå meg ei kraftig pakke med dokumentasjon, ikkje berre frå Os, men på vegne av mange kommunar.

– Eg veit den dokumentasjonen har vore nytta i løpet av våren.

Veg-penger?

Den andre hovudsaka Søviknes er spent på er om det ligg pengar til E39 Svegatjørn-Rådal inne i budsjettet.

– Det betyr mykje for totaløkonomien i prosjektet om dei statlege bidraga kjem så tidleg som mogleg.

– Om det ikkje ligg midlar inne no, så er ikkje det eit problem. Det betyr berre at bompengeselskapet må ta opp lån og forskuttera.

– Det får ingenting å si for framdrifta av vegen, forsikrar Søviknes.