Sprek helg i vente

Til helga blir det folksamt på vegar og gangvegar i Os, over Skeie og Ulven og tilbake til sentrum:

Laurdag og søndag blir den 33. Ulvenmarsjen arrangert. Sidan 1. mai landar på ein søndag får andre marsjdag selskap av tur- og trimrittet Os Rundt.

– Sidan deltakarane i Ulvenmarsjen bruker gangvegane og syklistane bruker bilvegen og følgjer vanlege trafikkreglar trur eg dette skal gå fint, seier Leif Klakegg frå CK Henie.

• Ulvenmarsjen har start og mål på Os ungdomsskule (laurdag kl 14 og søndag kl 10)
• Os Rundt har start og mål på Os Gymnas (søndag kl 10)

– Det er nok enkelte som går for begge delar, eller vel anten marsj eller sykkelritt, men med høg deltaking på andre ritt tidlegare i år håper vi på å passera 200 deltakarar og ny rekord i Os Rundt i år, seier Klakegg.

• Ulvenmarsjen er 14 km lang.
• Os Rundt har to løyper, ei på rundt 15 km, for ungar, familiar og mosjonistar, ei på 41 km, som går over Fanafjellet og Hamre tilbake til Os.

504 gjekk Ulvenmarsjen i fjor, noko som var meir enn 70 fleire enn året før.

Ifølgje langtidsvarselet for Osøyro blir det strålande vêr til helga.