Staalesen til Os

I september inviterer Os Folkebibliotek til to forfattarmøter, og først ut er Gunnar Staalesen 15. september.

– Hausten er ei god årstid for lesing og litterære opplevingar så vi ønskjer å invitere til forfattarmøter med aktuelle tema, seier biblioteksjef Elisabeth Bochkon Tøsdal.

– Ein dyktig dramatikar

Folk tenkjer ofte på krim når ein snakkar om Staalesen, bøkene hans om privatdetektiven Varg Veum er omsett til mange språk og har blitt filmatisert.

Han har gjennom åra som forfattar vunne fleire prisar, blant anna Kaliberprisen og Rivertonprisen både i 1975 og i 2012.

- Staalesen er òg ein dyktig dramatikar og no har han dramatisert og skrive songtekstane til DNS si oppsetting av Amalie Skrams Hellemyrsfolket, som har urpremiere 13. september, fortel Tøsdal.

Det er Amalie Skram og Hellemyrsfolket, firebandsverket om folket i Hellemyren Staalesen kjem for å snakka om i biblioteket denne kvelden.

Neste forfattarmøte er med forfattar Edvard Hoem 24. september.