Stal to bilar
Politiet etterlyser ein blå VW Passat etter tjuveri av to bilar frå Skeisstøa fredag morgon. Mistanke mot konkrete personar.
Fredag morgon, klokka 0610, fekk politiet melding om tjuveri av to bilar frå ei adresse i Skeisstøa i Hagavik.
- Meldar mistenker at tjuvane har tatt med seg nøklar frå husværet og stukket av med bilane, fortel lensmann Rasmus Dalen.
Mistanken blei stadfesta då den eine bilen seinare på morgonen blei funnen att ved Nore Neset Aktivitetshus.
- Den hadde vore nøkkelkøyrd dit.
Etterlyser blå VW Passat
Den andre bilen, ein blå VW Passat personbil, har politiet sålangt ikkje funne att.
- Den er ikkje kome til rette, så om det er nokon som har sett den køyre får staden i morges er vi sjølvsagt interessert i tips.
- Er de ute og ser etter den no?
- Nei, vi har vel mistanke om at dei har forlatt bygda, så vi er ikkje på aktivt søk.
- Mistanken for tjuveriet går mot konkrete personar, avsluttar lensmann Rasmus Dalen.
Har du tips i saka kan lensmannskontoret kontaktast på 56 30 39 00.