Stal dyre dekk frå garasje

Tidleg laurdag kveld fekk politiet melding om tjuveri frå garasje.

– Tjuveriet skjedde på ei privat adresse mellom klokka 14 og 18 laurdag.

– Eigar var heime mens tjuveriet blei utført, fortel politioverbetjent Anne Lyssand.

Fire kostbare dekk og felgar er vekke. Politiet har vore på staden.

– Dei som gjorde dette må naturlegvis ha hatt bil med seg. Huset ligg i ein endeveg, litt for seg sjølv, og det framstår som noko profesjonelt gjennomført.

Politiet oppmodar folk å passa på å halda bod og garasje låst, også på dagtid.