Stal fleire påhengsmotorar
Det var ikkje berre ein 90 hk påhengsmotor som blei stolen frå Kvernavika onsdag.
Det blei onsdag meldt om ein stolen 90 hk påhengsmotor frå Kvernavika på Strøno. No visar det seg at det ikkje var einaste motoren som forsvann den dagen.
- Det er òg blitt meldt om ein 9,9 hk påhengsmotor som er stolen frå same staden, fortel politiførstebetjent Rune Fimreite.
Tysdag blei ein Yamarin med 15 hk meldt stolen frå kaien ved nedlagte Forstrønen Landhandel i Nordstrøno.
Stal hengar med stillas
Natt til torsdag fekk politiet melding om ein Tysse stillas-hengar som var blitt stolen med stillaset framleis på hengaren.
- Hengaren med stillaset blei stolen frå Bjørø Kobber og& Blikk AS, og har ein verdi på 60.000 kroner.
Torsdag fekk politiet inn ei klage på ein kranbil på Byvegen.
- Kranbilen sperra det nordgåande feltet og det var ingen trafikkdirigering på staden, fortel Fimreite.
Politiet kom på staden og gav arbeidarane pålegg om å dirigere bilar forbi kranbilen.
Lasarkontroll
To bilar, ein i Nordmarka og ein på Strønevegen, blei avskilta for manglande omregistrering onsdag og torsdag.
- Og torsdagkveld hadde vi lasarkontroll på Ulvenvegen med fokus på høg fart.
- Det var lite trafikk i tida vi hadde kontroll og ingen bilar blei stoppa, avsluttar Fimreite.