Lokal | 04. nov. 2014
Stal frå treningsenter
Ein mann og ei kvinne blei måndag pågripne mistenkt for tjuveri frå eit treningsenter i Os.
Kari M. Lyssandtysdag 04. nov. 2014 09:18
Sundag kveld hadde nokon vore inne på eit av treningsentera i Os og stole med seg fleire gjenstandar, blant anna PC og lommebøker.
– Vi mistenkte ei dame og ein mann i 20-åra for ugjerninga, fortel politioverbetjent Audun Hadler-Olsen.
Måndag føremiddag blei dei to pågripne i bustaden sin der politiet fann igjen delar av tjuvgodset.
– Dei to er begge kjenningar av politiet.
Mannen blir no framstilt for varetektsfengsling medan kvinna skal i avhøyr.