Stal hjul for 100.000 kroner
Politiet ber om tips etter "tungt" tjuveri i Industrivegen natt til torsdag.
Torsdag morgon oppdaga tilsette ved ARKA i Industrivegen at det har vore omfattande tjuveri av dekk på felg utanfor karosserifabrikken.
– 12 dekk på felg er sakna, nokre av dei er tatt frå 2 ulike trekkvogner, seier lensmann Rasmus Dalen.
Det er tre fornærma partar, altså eigarar av dekka. Tjuveri har skjedd onsdag kveld eller natt til torsdag.
– Med så tunge varer har det nok både vore eit større kjøretøy involvert og ein operasjon som har tatt ei viss tid.
– Derfor håper vi at nokon har sett eller høyrt noko, at folk som har kjørt forbi eller høyrt aktvitet som kan vera med på å gje oss spor eller meir eksakt klokkeslett, seier Dalen.
Har du tips i saka? Du når politiet i Os på 48002480.