Stal lommebok
Torsdag klokka 11.30 fekk politiet melding om tjuveri av lommebok.
- Ein eldre mann som hadde vore og handla i ein butikk på Os, fekk lommeboka stole medan han betalte, fortel politiførstebetjent Audun Hadler-Olsen.
Politiet har sett gjennom kameraopptak frå butikken, og ser lommeboka blir tatt. Men førebels kjenner dei ikkje igjen gjerningsmannen.
- Vi kjem til å undersøkja nærmare og håpar vi finn syndaren.
To innbrot
Politiet var i går på åstadsundesøking både på Halhjem og i Kuvågen.
- På Halhjem hadde det vore innbrot i ein bil, i Kuvågen var blant anna eit stereoanlegg sakna frå eit naust etter innbrot, opplyser politiet.
MC-velt, full mann og lause kyr
I 14-tida torsdag var det eit trafikkuhell i Lysefjorden. Ein motosykkel velta grunna oljesøl i vegen, føraren fekk smerter i ei skulder, men kom elles frå det utan skader.
Mellom Nordvik skule og avkjørsle til Nordvik gjekk det kyr i vegen torsdag. Ungar var redde for å gå forbi, og fekk varsla politiet.
- Vi har hatt ein prat med bonden, som fekk kyrne tilbake til rett side av gjerdet.
Politiet fekk også melding om bil i grøfta på Strøno i går, men her viste det seg at det var tekniske problem som var årsak til den noko spesielle parkeringa. I 3-tida natt til fredag meldte ferjemannskap frå om ein rusa mann som gjekk og virra rundt på ferjekaien.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.