Næringsliv | 13. apr. 2011

Starta dagen før dagen

Tre nye butikkar i AMFI Os: Foss Ur og Smykker opnar i morgon, men hadde første innslag i kassen i dag.

Starta dagen før dagen
Kjetil Vasby Bruarøy
Kjetil Vasby Bruarøyonsdag 13. apr. 2011 13:15

Dei neste vekene opnar det fleire nye butikkar i AMFI Os. Tilbords søkjer franchisetakar, så der er datoen uviss, MEKK ventar på at lokalet skal bli ferdig og har utsett opninga frå 14. april til 5. mai.

I morgon er første nyopning av dei tre, Janicke Foss, som er utdanna gullsmed og har jobba i bransjen sidan 1980, opnar Foss Ur og Smykker torsdag.

– Då eg rett før jul fekk veta at Fagerthun, som har vore arbeidsgjevaren min i 31 år, skulle legga ned, kasta vi oss rundt, fortel Janicke.

Ho ville halda fram i bransjen og startar no butikk på AMFI Os saman med kjærasten, Per Morten Marthinussen. Med seg har ho også Helene Halhjem Søvik, som har vore kollegaen hennar hos Fagerthun i mange år.

Lokal design

Foss er nøgd med det nye lokalet, som ligg om lag der inngangspartiet til MX Sport var før sportsbutikken flytta på seg i senteret.

– Det er 30 intime og fine kvadratmeter, dette er passe stort, synes ho.

Vareutvalet består av klokker og smykker, innan ur er det blant anna klassiske kvalitetsmerker som Certina og Seiko og trendye Calvin Klein og Kyboe.

– Innan smykke er vi nøgd med at vi har fått inn mykje norsk og nordisk design, som Celine Engelstad, Hjerter og Snö of Sweden. For ikkje å gløyma lokal design, Joy Design frå Os lager mykje fint.

Maritim MEKK

MEKK, som har varer til bil, båt, heim og fritid, overtar resten av det tidlegare MX Sport-lokalet, cirka 550 kvadratmeter får dei å boltra seg på.

– Det tok litt lengre tid å få lokalet klar enn vi trudde, men torsdag 5. mai blir det opning, seier marknadsjef Eddie Bøe.

MEKK søkte i haust etter franchisetakar og fekk Morten Taranger frå Bergen til å starta MEKK på Os.

– Taranger har god, relatert erfaring frå butikk, i hovudsak frå el-bransjen, og får det nok travelt med å selja båtutstur i kyskommunen Os, trur Bøe.

Butikken på Os blir MEKK nummer 27. Eller 28. MEKK opnar nemleg ny butikk i Tromsø same dag.

Tilbords overtar Diva-lokale

Tilbords-kjeden, som blei starta i 1995, sel porselen, glas og kjøkkenutstyr. No vil dei etablera seg i AMFI Os, men først må dei finna franchisetakar.

– Dei vil inn i det rundt 100 kvadratmeter store lokalet som Divakjoler leigde tidlegare, fortel senterleiar Anne Kristine Tøsdal.

Frå før er Drageset Glass og Veskemagasin i senteret, men dei er ikkje med i Tilbord-kjeda lenger.

– Kasseroller er ei varegruppe som Tilbords tar med seg, som ikkje Drageset har frå før. Elles blir det eit fint supplement med tanke på merkene dei tar med seg til Os, seier Tøsdal.

Ho reknar med at Tilbords er raske med å flytta inn når dei har funne franchisetakar.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.