Stem Frp og Høgre for meir bompengar

Det er ein veksende motstand mot auka bompengar rundt om i landet. Bompengar som skal redusere klimautslepp, kan ha sin misjon. Verre blir det når det skal innkrevjast bompengar som vil føre til auka utslepp og massive naturinngrep.

I Os vil Høgre og Frp sørge for at ein som er avhengig av ferje mellom Os og Stord for å kome på jobb no skal måtte betale 15.318 kroner i året i bompengar.

Dette er bompengar som skal førehandsinnkrevast for å finansiera eit bruprosjekt som enno ikkje er vedtatt, og som det er stor usemje om.

15.318 kroner i året er mykje pengar for ein familieøkonomi å betale for eit luftslott, for ei kostnadsbombe, for ei bru som vil bli det største naturinngrepet i Hordaland nokonsinne, og for eit vegprosjekt som ikkje vil bidra til at vi når våre mål om mindre utslepp av CO2.

FrP er altså ikkje garantisten for mindre bompengar i Norge.
Tvert imot.

Glenn Erik Haugland
Os Venstre