Stengde buret
Oskeeper Einar Godø stengde buret i store delar av 1. omgangen då handballherrene slo BSI 42-26 heime sundag.
Osherrene har fått ein draumestart på sesongen med tre sigrar av tre moglege. Sundag var det studentane i BSI som vitja Oshallen. Studentlaget stilte med berre ein utespelar som innbytter og fekk det tungt då BSI-vingen fekk direkte raudt kort etter ei hekting av Joachim Nøkleby omlag halvvegs i 1. omgangen.
- Dette var nok det svakaste laget vi har møtt så langt i sesongen, fortel Ostrenar Leif Idar Røen.
Trå start
Osherrene har gjort det til ei uvane å starte kampane litt trått. Til tross for det, tok dei føringa frå start med 5-3 etter 8 minutt og 7-3 etter 10 minutt spelt.
BSI kjempar seg inn att i kampen og ligg berre to mål bak då Røen vel å ta time-out for å få orden på troppen fire minutt før pause.
- Vi blir litt for slappe bakover.
- Takket vere ein god Einar Godø held vi oss framfor, forklarar Røen.
Time-outen hjelp og Os kan gå til pause med 16-12-leiing.
Isak og Jørgen toppscorarar
I andre omgangen fossar Os frå. Omlag halvvegs er leiinga 30-19, før sluttresultatet blir 42-26.
- Isak (Røen) og Jørgen (Wold) blir toppskårarar med 8 mål kvar.
- Også Torbjørn Hjelle gjer ein god kamp, skryt Røen.
Med sigeren over BSI ligg Os på topp med 6 av 6 moglege poeng. Kjøkkelvik på plassen bak har òg 6 poeng, men to kampar fleire spelt.
Neste kamp er mot Stryn i Oshallen 10. november.