Stengde vatnet på Lepsøy

Tysdag klokka 12.30 stengde Bjørnafjorden kommune vatnet på store delar av Lepsøy.

– Etter utbetringa kan vatnet vere misfarga. Tapp då med kaldt til vatnet er klart, skriv kommunen på sine heimesider.

Det er i skrivande stund ikkje kokevarsel i området, som ifølgje kommunen sitt kart omfattar det meste av Lepsøy med unntak av Riddarhaugen.

Årsaka til stenginga skal vera reparasjon av eit lite leidningsbrot.

Midtsiden har ikkje lykkast i å nå teknisk vakt.

– Ein innbyggar reagerte på vatn som kom rennande mot huset, og det blei avdekka lekkasje i ein privat leidning. Vedkomande skal reparera dette for eiga rekning, men det er behov for å stenga av vatnet seier røyrleggar Kenneth Moland.

– Jobben skal vera fort gjort, så vatnet blir kopla på igjen om ikkje så lenge.