Stenger kulturskulen

Arbeidstilsynet fatta i juli det endelege vedtaket om at dei ikkje godtar undervisningsromma til kulturskulen utan dagslys og utsyn. Lokala ligg i førsteetasje i Oseana kunst- og kultursenter.

Torsdag ettermiddag fekk Midtsiden nyss i at tilsynet no har fatta stengingsvedtak og at dette gjeld frå måndag 17. september.

- Det stemmer, stafestar kultursjef Lisbeth Axelsen torsdag ettermiddag.

- Vi fekk meldinga på bordet litt før klokka 15 i dag og har nettopp informert dei tilsette om Arbeidstilsynet sitt vedtak.

- No må vi bruka morgondagen til å sjå på timeplanane og korleis vi skal løysa undervisninga for elevane, fortel Axelsen.

Rundt 500 elevar berørt

Eit alternativ er å bruka eit par rom på Varafjell, ifølgje Axelsen. Men kven som skal bruka desse er ikkje klart.

- Elevane vil få beskjed når kabalen er lagt.

Os kulturskule har 16 tilsette. Totalt er det rundt 500 elevar som blir berørte av Arbeidstilsynet sitt vedtak.