Stenger Søvikåsen

Måndag sperra eit ras 5 meter av Øvredalsvegen, onsdag ettermiddag kom eit større ras på same stad og sperra 40 meter av vegen.

I dag valte Os kommune å stenga vegen frå Lønningdal til Øvredal på ubestemt tid. Samstundes stenger dei vegen frå Ulvenkleiva til Helleskaret.

- Vi har førebels ikkje fått melding om ras, men dette er eit område der det hender at det rasar ut litt i vegbanen når vêret er slik det er no. Her kan folk kjøra om Åsen og klosterruinane, så då vel vi å sperra også her, seier seksjonsleiar for samferdsle i Os kommune, Arne Håkon Rød.