Stengt grunna trugsmål
Søfteland skule har mottat trugslar. Torsdag og fredag er skulen stengt.


Tysdag kveld fekk Midtsiden.no eit anonymt tips om at leiinga ved Søfteland skule hadde kalla personalet inn til møte. I dag fekk føresette til elevar ved Søfteland skule informasjon om at skulen held stengt torsdag 22. oktober og fredag 23. oktober.
Årsak: Skulen har mottat trugsmål.
- Trugsmålet kom per brev. Vi veit ikkje kven som er avsendar, seier rektor Kåre Lutro til Midtsiden.no.
- Er det skulen eller personar på skulen som er truga i brevet?
- Det er sjølve skulen, seier Lutro, som ikkje vil fortelja kva det er truga med i brevet.
- Men det gjeld desse to dagane vi no skal halda stengt.
Brevet kom til skulen måndag, men blei ikkje opna før tysdag morgon. Både i går og i dag har skulen hatt ope som normalt.
- Politiet er kopla inn, og rådmann Knut Terje Rekve bestemte i dag at skulen skal halda stengt torsdag og fredag, fortel rektoren.