Stengt igjen?
Etter over eit halvt år utan drift i kiosken på Halhjem ferjekai opna ny drivar i juni. Men den siste tida har Halhjem Pizza vore stengt.


I midten av juni var nye drivarar på plass i kiosk-lokalet på Halhjem ferjekai.
– Vi har ope kvar dag og driv også med utkjøring av mat, fortalde Osman Erdogan, son til drivar, då Midtsiden var innom.
Men den siste tida har det vore stengt på Halhjem og Midtsiden har fått fleire spørsmål om den ferske serveringsstaden allereie er lagt ned.
– Vi har ikkje lagt ned, seier Zühal Erdogan frå Halhjem Pizza og Gatekjøkken.
– Vi var berre litt raske med å opna. Vi må ha på plass godkjenning frå Mattilsynet.
– Planen er å opna igjen 5. august, då skal alt vera på plass, fortel han.