Sterk 5. plass

Seks brytarar og to leiarar frå Os Handbak klubb representerar Noreg i Handbak-VM i Las Vegas.

Av dei første som braut frå Noreg var Andreas Fagerthun frå Os. Onsdag gjekk han i juniorklassa, venstre arm.

Landslagstrenar David Eilertsen rapporterar på forbundet si heimeside at Andreas braut veldig bra og enda på ein flott femte plass.

- Andreas gjorde ein bra dag då han gjekk venstre, samtykkar Frode Veim Haugland på tekstmelding frå USA.

Ny god dag
Torsdag var Andreas i ilden igjen, no med høgre armen.

- Andreas braut nydeleg og fekk to sigrar og to tap, rapporterer Eilertsen til handbak.no

Med dei resultata enda han på 6. plass.

Arne skuffa
Grand Master Arne Thuen gjekk og sine første kampar. Han skuffa noko og måtte ta til takke med 5. plass i 90 kg høgre arm.

- Dagen i dag gjekk ikkje heilt som planlagt. Arne vann to og tapte to kampar. Han er skuffa og lei seg, rapporterar landslagstrenaren.

Fleire sjansar
Osingane får fleire sjansar til å vise seg fram. Frode Veim Haugland går i senior 80, Øivind Birkeland i senior 85, Tore Matre i 90 og Are Strønen i senior 100.

Øivind Birkeland måtte riktig nok gjennom to veiingar før han var klar for klassa si. På tysdagens første innveiing var han nemlig 100 gram for tung, men på andre forsøk stoppa vekta på 84,6 kg.

Kampane for dei fire siste går i kveld (norsk tid) - venstre arm - og laurdagkveld - høgre arm.