Sterke resultat i Førde
Os stilte ikkje med fullt mannskap, men klarte seg bra mot Ålesund, Dale og Førde. – No er vi spent på korleis vi klarer oss mot eliteserielaget Sola i NM i Oshallen onsdag, seier Lyssand.
I helga spelte damelaget til Os turnering i Førde mot 2. divisjonslaget Førde, 2. divisjonslaget Ålesund og det som truleg blir sesongens sterkaste seriemotstandar i Os si 2. divisjonsavdeling; Førde.
Os stilte utan Irene Tangerås og Madeleine Hjertnes. Blant andre etablerte førstelagsspelarar var Line Hjelle med, men blei sjuk og måtte stå over kampane.
– Vi klarte oss bra likevel. 16-åringane Anna Bjørke Kallestad og Vilde Brattabø imponerte, dei sto stødig heile kampane gjennom, seier trenar Erlend Lyssand.
Han gjev også spesielt mykje skryt til Tonje Hjertnes og Marte Øvreeide.
To sigrar - eitt tap
Os slo Dale frå divisjonen under 36-18. Ålesund, som ligg midt på tabellen i si 2. divisjonsavdeling, leia store delar av kampen mot Os, men Os kom for fullt mot slutten og vann 24-23.
Satsingsklubben Førde, som arrangerte turneringa, blei for sterke, men Os er nøgd med 33-29.
Møter Sola i Oshallen onsdag
Neste kamp for damelaget til Os blei heime i Oshallen førstkomande onsdag.
Då tar dei imot eliteserielaget Sola, som har henta inn ein spansk landslagsaktuell spelar, til 2. runde i NM.
Kampen startar klokka 19.00.
Midtsiden samleside: Handball