midtsiden

Stille før stormen

Med rekordpåmelding til Ungdommens Kulturmønstring blir det fullt trøkk i Fjellheim laurdag. Sjå oversikt over innslaga her.

Av: Andris Hamre

Klokka 17 laurdag brakar det laus i Fjellheim med Ungdommens Kulturmønstring (UKM). Heile 24 innslag med totalt 80 deltakarar er påmeldt årets mønstring.

- Det er utruleg kult at så mange har meldt seg på. Tilsaman har vi vel 2 timar med innslag frå scena, fortel Kjetil Grønvigh og Ellen Merete Lyssand då Midtsiden møtar dei dagen før dagen.

Frå tåspissballett til heavy
Dei 24 innslaga spennar frå dans og magi til sang og musikk i alle sjangrar.

- I år er det ingen kunstbidrag som maleri og foto, berre reine sceneinnslag, forklarar Lyssand.

- Det gjev oss ei utfordring i å sørja for at alle får god lyd og riktig utstyr, supplerar "stagemanager" Grønvigh.

Difor har han tatt med seg Espen Hjertaas og Erik Aasen frå Os Rockeklubb til å væra scenearbeidarar og sørja for at forsterkarar og anna utstyr blir stilt inn riktig.

Det overordna lys og lydbilde kjem Andreas Lekven i Os lyd og bilde til å ha hand om.

Bingen gjev resultat
Heile 10 av innslaga har sitt utspring frå musikkbingen på Kuventræ.

- Det er mer enn eg hadde trudd, men fantastisk morro, seier ein entusiastisk Grønvigh som gler seg til at det kjem ein binge til i bygda i løpet av våren.

- Ein annan ting som er utruleg gøy er at det kjem bidrag frå alle krinsane. Det einaste som overraskar litt er at det ikkje er fleir frå musikkskulen som deltek, seier Lyssand som er rask til å supplera med at dei er jo representert då.

Til å bestemma kven som går vidare til fylkesmønstringa i Grieghallen har dei to fått med seg Glenn Erik Haugland, Olga Bjørge og Sarah Vindenes.

Kafé og backstage
Programmet blir omlag to timar med innslag, pluss ei pause omlag halvvegs. I tillegg kjem det nok til å gå nokre minuttar med rigging før kvart innslag.

- Då kan publikum nytta kafeen som ungdomsklubben riggar til i kjellaren på Fjellheim, anbefalar Lyssand.

Artistane får eiget "green-room" på Allakten kor Frivillighetssentralen vil stille med frukt og noko å drikke.

Har du tenkt deg på UKM blir billettane selt i døra, som opnar kl 16.30.

Her har du innslaga:

  1. Anette, Håkon og Øystein: The way i loved you og Every time we touch
  2. Oda: Russian Roulette
  3. Ondt I Hodet: Victim of the fallen angel
  4. Oseana: 321
  5. Barbie Dolls: Tir N'a Noir
  6. Pink Disease: Seek and Destroy
  7. Time to fly: Be may way, Illusion
  8. Heed the heretic: The light that never dies, Bleeding my dry
  9. Abstractium: Heaven is Blind og Abstractium
  10. Therese og Frida+Abstractium: Haunted
  11. Madeleine: Hallelujah, I love him so
  12. Hans-Marius: Walking om ice
  13. Richard: Let's Make a Revolution og There She Goes
  14. Christian: Egen låt, beatbox
  15. Harald: Beautiful
  16. Bård: Fly me to the moon
  17. Kristine: You will never be
  18. Annika og Marthe: Dans
  19. Hannah, Amali, Stine, Marie: Dead and gone (dans)
  20. Elevar frå Os Kulturskule: Ghost (dans)
  21. Ingrid: Danses des cygnes (dans)
  22. Åshild: Chinese Dace (dans)
  23. Harald: Come and find it out (magi)
  24. Lysefjorden Ungdomslag teatergruppe: Oh my God! Gymtimen! Nakkeknekkeren!

Fleire saker