Stiller med eigne låtar

Nattopent AMFI Os: Richard Myhre Gåssand, som skal varma opp for Bjørn Johan Muri torsdag kveld, debuterer med to låtar han har skrive sjølv.

Kjetil Vasby Bruarøytirsdag 16. nov. 2010 08:48

Bjørn Johan Muri frå Ålesund var berre 17 år då han kom på 2. plass i Idol bak Glenn Lyse i 2007. Sidan har det blitt både 4. plass i Melodi Grand Prix, 1. plass på VG-lista og oppdrag for Disney til norsk versjon av filmen Camp Rock.

I september i år kom han med debutalbumet sitt, «Airwaves», torsdag speler han gratiskonsert på AMFI Os.

Richard debuterer med to
Richard Myhre Gåssand gjekk i haust vidare i X-Factor til det berre var 50 igjen. Tida etter at TV2-konkurransen var over for hans del, har gått med til låtskriving og øving.

- Eg har skrive fleire låtar og kjem til å ha urframføring av to av dei no på torsdag, fortel Richard.

I tillegg til «It feels like yesterday» og «Let´s make a revolution» stiller Richard med coverlåtar, blant anna av Bon Jovi og Nickelback (som han song på første X-Factor-audition).

- Har du planar om å spela inn låtane dine i nær framtid?

- Ja. Eg vil laga ein demo og sjå om eg får meg platekontrakt. Eg ser fram til at studioet i Allaktivitetshuset er ferdig innreia, det blir knallbra, seier Richard.

AMFI Os har ope til kl 24 torsdag
20.00: Richard Myhre Gåssand
22.00: Bjørn Johan Muri