Sport | 28. juli 2018

Stiller uvanleg sterkt på Norway Cup

Ein hyggeleg biverknad av nedrykket i fjor gir Os eit sterkt juniorlag på Ekeberg.

Stiller uvanleg sterkt på Norway Cup
Torgeir Lunde, Vegard Skeie, Alexander Tøssebro og Harry Moore er blant A-lagsspelarane som får delta på Norway Cup i år. (Foto: KVB)
Kjetil Vasby Bruarøy
Kjetil Vasby Bruarøylørdag 28. juli 2018 07:33

I dag er det opningsshow med blant andre Emilie Adams, Alexx Alexxander og Daniel Owen på scenen, søndag blir dei første kampane i verdas største fotballturnering for born og ungdom spelte i Oslo.

Os Fotball stiller, i samarbeid med Nore Neset, med til saman sju lag; to i gutar 19, to i gutar 16, eitt i gutar 15 og to lag i jenter 15 (Nore Neset/Os).

2003-årgangen, som i fjor var 14 år, tapte semifinalen på golden goal i fjor, gutar 17 tok seg heilt til finalen.

I år stiller Os med eit, på papiret, betre lag enn på lenge i klassen gutar 18/19.

– Vi blei einige om dette i vinter, at alle juniorane i A-stallen skulle få bli med til Norway Cup, så vi stiller så sterkt som mogleg, seier John Ole Johannessen.

Det betyr at spelarar som Vegard Strønen Skeie, Harry James Moore, Alexander Tøssebro og Steffen Kvamsdal er med.

I tillegg er fleire eldre med.

Tar med seg 20-åringar

Johannesen leiar Os 1 mens Tore Kleppe leiar Os 2 i gutar 19-klassen.

Tidlegare år har Os stort sett måtta klara seg utan dei som har spelt i 2. og 3. divisjon, avhengig av kvar A-laget har vore i divisjonssystemet, men det har hendt at dei har fått påfyll til sluttspelet, som då Egil Thuen blei flydd inn for nokre år sidan.

Men i år er alle juniorane med. A-laget speler i 4. divisjon, der dei leiar tabellen og har klar ambisjon om direkte comeback i 3. divisjon. Men dei har ikkje seriekamp før 12. august, ei veke etter at Norway Cup er over.

– I tillegg til desse juniorane så får vi ta med nokre overårige spelarar.

Frå 98-årgangen har Os med seg Anders Hjelle Havsgård, Simon Moberg Søvik og Vegar Solstrand Ludvigsen. I tillegg prøver Torgeir Lunde å få perm frå militæret, men førebels ser det ifølgje lagkamerat Havsgård ut til at det i så fall blir til sluttspelet.

Dette er troppen til Os 1 (G19): Peter Armstrong, Marius Een Lyssand, Ludvik Egge Drange, Harry James Moore, Trym Hjørnevik, Vegard Strønen Skeie, Simon Moberg Søvik, Anders Hjelle Havsgård, Emre Duvaci, Kristoffer Røttingen, Vegard Ludvigsen, Steffen Kvamsdal, Joakim Kvernes Forstrønen, Joachim Dale, Torgeir Lunde, Fabian Bødtker og Marius Østgulen Hevrøy.

Ti utanlandske motstandarar

Os 1 møter Falkeid, Søgne Allstars og Oppedal i innleiande rundar.

– Eg veit lite om desse laga, anna enn at det ser ut som om Oppedal driv på same måte som Os, at dei beste juniorane speler seniorfotball i serien.

Mens jenter 15 ikkje har eit einaste utanlandsk lag i sin klasse, har gutar 18/19 ti utanlandske motstandarar fordelt på 20 puljer. Men ingen av Os-laga møter utanlandsk motstand før eventuelt i sluttspelet.

Er samla i Sandvika

Alle dei sju laga frå Os, saman med trenarar og fleire av foreldra, bur på Thon Hotel Oslofjord i Sandvika.

Der har dei kort avstand til kjøpesenter, togstasjon, badeplassar og fotballbane på Kadettangen og Kalvøya.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.