Stiv kuling og store nedbørsmengder

På Voss jubla dei i dag over 25 cm nysnø, i Myrkdalen kom det 35 cm snø frå tysdag kveld til onsdag formiddag.

I morgon er det venta mykje meir, frå 60 til 100 mm nedbør, som truleg kjem som sludd og regn nedst i bakken, som snø på toppane - og som regn i Os.

Lågtrykk i Nordsjøen er på veg inn over Vestlandet og tar med seg mykje vatn.

Det er også meldt vind frå sør opp i stiv kuling i styrke.

Temperaturen skal ligga på rundt 5 gradar.

Sjå detaljert vêrmelding på Storm vs Yr.

Fredag skal det letta litt, men det er meldt periodar med regn gjennom helga før det måndag er venta skyfri himmel og flau vind.

Det er full flo klokka 12:51 i Os torsdag.