Lokal | 16. mars 2013

Sto dønn fast

Politiet har sjelden sett eit vogntog køyre seg så fast som ein danske gjorde i Søvikåsen fredag.

Sto dønn fast
Sjåføren fekk ikkje med seg skilta som fortel om vektbegrensinga og forbodet mot å køyra Ole Bulls veg med større køyrety (Arkivfoto: Andris Hamre)
Andris Hamrelaurdag 16. mars 2013 09:51

Omlag klokka 13 fredag ettermiddag fekk politiet melding om eit dansk vogntog som hadde køyrd seg fast i Ole Bulls veg over Søvikåsen.

- Eg var ikkje der sjølv, men fekk sjå bilete av det av ein kollega.

- Det er sjelden vi ser noko som til dei grader klarer å køyre seg som dette vogntoget, fortel politibetjent Rune Fimreite.

Måtte tilkalla Falk

Korleis dansken hadde klart å koma så langt som han hadde framstår som eit like stort mysterium.

- Dei hårnålsvingane som er over Søvikåsen er ikkje enkle å forsere med lastebil, det er difor det både er vektbegrensing og forbod for større køyrety å køyre over åsen, påpeiker Fimreite.

- Truleg har sjåføren køyrd etter GPS-en og ikkje sett skilta som fortel om forbodet.

For å få laus vogntoget måtte redningsbil frå Falk tilkallast.

- Vegen var stengt frå vi fekk meldinga klokka 13 til Falk var ferdig i 15-tida.

Høg musikk på Lekven

I seine nattetimer natt til laurdag fekk politiet melding om høg musikk frå ei adresse i Ferstadvegen.

- Patrulja var opptatt med eit anna forhold.

- Då dei kom ut på adressa litt før klokka seks i morges var festen avslutta, fortel Rune Fimrete.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.