Stolen i Eidfjord - funnen i Os
Ein Nissan pickup var sakna etter eit innbrot i Eidfjord i oktober. I dag blei bilen funnen i Os.
Tysdag ettermiddag var politiet i Os i Industrivegen på ransaking av ein bil.
Vitne fortel til Midtsiden at politiet blant anna tok ei øks ut av bilen.
– Vi fekk tips i dag om at det sto ein bil litt merkeleg parkert mellom nokre verksemder i Industrivegen, fortel politioverbetjent Audun Hadler-Olsen.
Bilen var meldt stolen etter innbrot i ei byggevareforretning i Eidfjord 29. oktober, altså nesten to veker sidan.
Sikra spor og tok beslag
Politiet på staden fortel at dei har funne og sikre ulike spor i bilen.
– Vi har også funne nokre gjenstandar som er tatt beslag i, blant anna noko verktøy.
– Om det er tjuvgods er førebels for tidleg å seia.
Uansett er kanskje noko som ligg i ein stolen bil også å rekna som tjuvgods, med mindre du som tjuv har lagt igjen noko som frå før er ditt ...