UP stoppa 18 fartssyndarar
Ein av dei fekk tre prikkar på førarkortet.


Utryningspolitiet hadde fart- og atferdskontroll i Os i går.
– Dei sto ved Joker Søfteland frå cirka klokka 11 og ein liten time. Der var det mykje trafikk, ingen som køyrde for fort, men éin som fekk forelegg for bruk av handhalde mobiltelefon, fortel politioverbetjent Rune Fimreite.
UP flytta seg seinare til 50-sona på E39 nær Halhjem ferjekai.
– Her sto dei frå klokka 12.30. Det blei skrive ut heile 18 forenkla forelegg, fortel Fimreite.
Høgaste fart var 69 km/t i 50-sona, noko som kvalifiserer til 5350 kroner i bot og tre prikkar på førarkortet.
I tillegg var det også her ein som blei tatt for ulovleg bruk av mobiltelefon mens vedkomande køyrde.