Stoppa av prøvehund

Bildeserie:

1 av 6

Torsdag er det opning, fredag og laurdag er det NM for patruljehundar i Os.

- Delar av arrangementet blir utan publikum, rett og slett fordi hundane kan oppfatta publikum som søkobjekt, men det blir mykje å sjå på frå klokka 8 om morgonen fredag og 8.30 laurdag, seier stemneleiar Ole Bjørn Brudvik til Midtsiden.no.

Øvingane som er opne for publikum går ved Rema 1000 Kuvenstasjon, grusbanen til Os ungdomsskule, Kyrkjeflaten og på brygga ved Oselvarnaustet.

- Ved Oselvarnaustet får hundar og hundeførarar noko litt uvant å bryna seg på. For det første er det litt uvanleg med søk på brygge, for det andre får ikkje hundeførar vera saman med hunden, men stå på rundt 10 meter avstand og kommandera.

Torsdag var det briefing for dommarane, og Midtsiden.no var med då øvinga "avbrote angrep" gjekk på grusbanen.

- Her har vi ein mistenkt som anten spring frå politiet eller verkar trugande. Hunden blir sendt, men så stoppar mistenkte. Så verkar mistenkte trugande igjen, så då blir hunden sendt i angrep igjen, forklarar Brudvik.

Trude Haugland stilte med hunden Kompis til øvinga. Kompis er ferdig med 14 av 16 øvingar for å bli godkjent patruljehund. Mannen hennar, Ronny Øvrebotn, har godkjent hund og er deltakar i NM.

Bergens Tidende hadde filmkamera med då dei besøkte Os og førebuingane til NM i dag. Dei lokka også ordførar Terje Søviknes til å vera prøvedukke for ein av dei større og sterkare hundane.

Her kan du sjå korleis det gjekk.